Taqrizlash jarayoni

1. Qabul va dastlabki tekshiruv.

Mualliflar qoʻlyozmalarini OMP tizimi orqali yuboradilar. Tahrir hayʼati qoʻlyozmani umumiy talablar va nashr etish sohasiga mosligini tekshirib, qabul qilib oladi.

2. Taqrizchilarni tayinlash.

Qoʻlyozma yoʻnalishiga mos ekspertlar taqrizchilar sifatida tanlanadi. Taqrizlash jarayoni ikki tomonlama maxfiy tartibda (double-blind peer review) oʻtkaziladi, yaʼni muallif va taqrizchi bir-birining shaxsini bilmaydi. Taqrizchilarga ishni belgilangan muddatda tekshirish uchun xabar beriladi.

3. Taqrizchining xulosasi.

Taqrizchilar qoʻlyozmani ilmiy jihatdan baholaydi va uning ahamiyati, metodologiyasi va aniqligi haqida fikr bildirishadi. Qoʻlyozmaning quyidagi jihatlari baholanadi: ilmiy ishning ahamiyati va dolzarbligi; tadqiqot usullari va dalillar ishonchliligi; matnning aniqligi va mantiqiyligi.

Taqrizchi qoʻlyozmani qabul qilish, qayta koʻrib chiqish yoki rad etish boʻyicha tavsiya beradi.

4. Tahrir hayʼatining qarori

• Taqrizchining mulohazalari asosida tahrir hayʼati qaror qabul qiladi:
  1. Qabul qilish– Agar qoʻlyozma barcha talablarga javob bersa.
  2. Tuzatishlar kiritish– Agar maʼlum kamchiliklar boʻlsa.
  3. Rad etish– Agar qoʻlyozma nashr etish talablariga javob bermasa.
• Muallifga qaror haqida xabar beriladi va zarur boʻlsa, qayta ishlash uchun tavsiyalar beriladi.

5. Tuzatishlar va tasdiqlash

• Muallif taqrizchining takliflariga muvofiq qoʻlyozmani qayta ishlab, OMP tizimi orqali yuborish mumkin.
• Tahrir hayʼati soʻnggi tekshiruvni oʻtkazib, nashr etishga ruxsat beradi.